PANALANGIN SA ARAW NG MGA AMA-JUNE 21, 2009

Ama naming Makapangyarihan, Maylikha ng langit at lupa.

Noong iyong ipinagkaloob sa amin ang Iyong Bugtong na Anak na si Hesukristo upang maging aming Manunubos, niloob mong ipagkatiwala Siya sa ilalim ng pangangalaga ni San Jose bilang kanyang ama dito sa lupa.

Hinihiling naming Inyo pong basbasan ang lahat ng mga ama at lolong natitipon sa pagdiriwang na ito ng Banal na Eukaristiya.

Pagkalooban mo po sila ng lakas buhat sa iyong Banal na Espiritu; upang kanilang mahalin nang may katapatan at pagmamahal ang kanilang asawa;

Upang kanilang maitaguyod ng may pagtitiyaga ang kanilang mga pamilya;at upang sila ay maging huwaran ng mabuting pamumuhay bilang mga Kristiyano.

Amin ding inaala-la ang lahat ng mga amang naghahanap-buhay sa labas ng bansa upang kanilang matustusan

Ang mga pang araw-araw na pangangailangan ng kanilang pamilya.
Manatili nawa silang tapat sa Iyong mga kautusan, manatili nawa silang tapat sa kanilang mga sinumpaang pananagutan sa sakramento ng kasal;

At iadya mo po sila sa ano mang uri ng sakuna at karamdaman sa pangangatawan.
Ito’y aming hinihiling sa pamamagitan ni Hesukristo kasama ng Espiritu Santo magpasawalang hanggan.

Amen.

CHURCH NEWS BITS: June 2009 to June 2010 as Year for Priests & Year of the Two Hearts for Peace-Building and Lay Participation in Social Change

The Holy Father Pope Benedict XVI has declared June 2009 to June 2010 as Year for Priests. In conjunction with this the Catholic Bishops’ Conference of the Philippines also declared the same period as Year of the Two Hearts for Peace-Building and Lay Participation in Social Change. The celebrations for both opened on the Solemnity of the Sacred Heart last June 19, 2009.

Let this period dedicated by the Church for the Sanctification of Priests inflame in us and in all the faithful under our care a deeper love for Jesus and His most Sacred Heart, full of trust on Mary, His Mother, and our Mother, too, that she will constantly and lovingly guide us to Her Son.

UCM OPLAN 32

In the next few days, UCM will launch its new undertaking dubbed as OPLAN 32! The program has something to do with the membership campaign of the group wherein the ministry will look for 32 new members that will be deployed to the four major Sunday Masses in the Parish as Collectors and Ushers. OPLAN 32 because the group aims to recruit eight (8) new members for each of the four (4) masses.

The recruitment program will run from June 21 to August 21, 2009 and will target the young people from the different subdivisions and schools within the parish with ages from 14 to 21 years old. Details of OPLAN 32 will be posted in the next few days.

KAPISTAHAN NI SAN ANTONIO DE PADUA, ISANG MALAKING TAGUMPAY!

Isang maringal na pagdiriwang ang naganap noong nakaraang Kapistahan ni San Antonio De Padua sa Parokya. Maraming mga kaparian ang nakilahok sa mga Banal na Misa nang araw na iyon na pinangunahan ng Lubhang Kagalang-galang Obispo Leo M. Drona ng Diyosesis ng San Pablo. Sa kanyang homiliya ay binigyan diin ng Mahal na Obispo ang naging buhay, pagpapakasakit at kabanalan ng Mahal na Patron San Antonio. Sa kanyang pagtatapos ay hinimok niya ang lahat na isabuhay ang pananampalataya sa pamamagitan ng gawa.


Ang araw na iyon ay tunay ngang espesyal at katangi-tangi nang dahil na rin sa ilang mga bagay tulad ng mga bagong kasuotan ng mga Kaparian na nakilahok at nakiisa sa pagdiriwang kung saan makikita ang imahe ni San Antonio De Padua at ng batang si Hesus, ang mga naggagandahang bulaklak na espesyal na inayos at ginawa para sa Altar at sa paligid nito at ang mga bagong awitin na inihanda ng mga Koro ng Parokya.


Ang lahat ng apat na Misa sa buong araw ay dinagsa din ng maraming tao na pagpapatunay lamang na magpahanggang sa ngayon ay buhay na buhay ang pamimintuho sa Mahal na Patron San Antonio De Padua. Ang napakalaking tagumpay ng Kapistahan ni San Antonio De Padua ay produkto ng pagsasama-sama at pagtutulungan ng ibat-ibang samahang pansimbahan sa pangunguna ng Kura Paroko, Reb. Padre Toochy Ubarco kaagapay ang buong pamunuan ng Barangay sa pangunguna ni Kapitan Eric Jimenez at kanyang konseho at higit sa lahat ang tulong at panalangin ng mga parokyano ni San Antonio De Padua.

Unang Araw ng Nobenaryo-Ika-4 ng Hunyo 2009

Ngayong araw Huwebes ika-4 ng Hunyo taon 2009, ay pormal ng binuksan at sinimulan ang selebrasyon ng Kapistahan na ating Mahal na Patron, San Antonio De Padua sa pamamagitan ng Nobena at Banal na Misa sa loob ng siyam na araw. Kapansin-pansin na marami ang mga nakilahok at dumalo sa unang araw ng Nobenaryo sa Karangalan ni San Antonio.

Isa ng tradisyon sa ating Parokya ang mag-imbita ng ibat-ibang mga kaparian mula sa mga kalapit na parokya at distrito upang pangunahan ang Banal na Misa sa siyam na araw ng Nobenaryo. Ang unang araw ng nobenaryo ay pinangunahan ni Rev. Fr. Zaldy Urgena, ang Kura Paroko ng Nuestra Senora Dela Paz y Buenviaje Parish sa Brgy. Dela Paz.

Sa kanyang homiliya, ay binigyan diin ni Fr. Zaldy ang tungkol sa 2 mahalagang utos ng Diyos, ang Pagmamahal sa Diyos at sa kapwa. At ayon sa kanya, ang pagsunod sa utos ay may dalawang uri, ang una ay pagsunod dahil sa udyok ng pagmamahal at ang isa ay pagsunod dahil sa tayo ay napipilitan lamang. Ang ating patron, si San Antonio, ayon pa rin sa kanyang paglalahad ay isa mga patunay ng pagsunod ng dahil sa pagmamahal. Nang dahil sa pagmamahal ni San Antonio, nagawa niyang magpakasakit at magpakababa para sa kaluwalhatian ng Poong Maykapal.

Sa kanyang pagtatapos ay kanyang ibinigay ang isang hamon, tanungin natin ang ating mga sarili, "Ano nga ba ang kalooban niya para sa atin? At ano ang gagawin natin ukol dito?